თამარ ტუფურია – ქართველი ექიმი -სტომატოლოგი ბარსელონაში / თამარ ტუფურია, წარმოშობით, გალიდანაა და უკვე 7 წელია, რაც ესპანეთში ცხოვრობს.
თამარი დაიბადა და გაიზარდა აფხაზეთში. სოხუმის დაცემის დროს კი, ის მხოლო ორი წლის იყო… ასე იქცა მისი ოჯახი დევნილად საკუთარ ქვეყანაში.
ერთ დღეს,როგორც არაერთმა ქართველმა, თამარმაც გადავწყვიტა ამ ულამაზეს ქალაქ ბარსელონაში ჩამოსვლა, რომელიც ძალიან შეუყვარდა:
,,დასაწყისში ჩემი პროფესიით მუშაობა ან სწავლა სირთულე იყო, ენის ბარიერის და სხვა მრავალი ბიუროკრატიული საკითხის გამო.
თუმცა მიზანი და მონდომება იმდენად დიდი იყო, რომ დროულად მოვახერხე ადაპტირება და გეგმების განხორციელება.
მას შემდეგ, რაც ესპანური ენა შევისწავლე, ჩავაბარე ბარსელონას უნივერსიტეტში, საერთაშორისო მაგისტრატურაზე
– პირის ღრუს ქირურგიის, იმპლანტოლოგიის და პაროდონტოლოგიის ფაკულტეტზე. შემდეგ დავიწყე მუშაობა ჩემი პროფესიით“.
ქართველი ემიგრანტისთვის ეს გზა იოლი არ აღმოჩნდა. თამარი ამბობს, რომ იყო ბევრი სირთულე, საკმაოდ დატვირთული დღეები, უძილო ღამეები, მაგრამ ერთ დღეს ყველა ოცნება აუხდა:
,,მიხარია, რომ ღმერთის წყალობით, შევძელი და დღეს ჩემი პროფესიით ვემსახურები ხალხს, –ვაკეთებ საქმეს, რაც ბავშვობიდან ჩემი მოწოდებაა,“-ამბობს თამარი.
ესპანეთმა თამარ ტუფურიას მსოფლიოში სხვა შესაძლებლობების კარიც გაუხსნა:
,,გარდა იმისა, რომ შევძელი ჩემი პროფესიით მემუშავა, ბარსელონის უნივერსიტეტის წყალობით, შესაძლებლობა მომეცა, რამდენიმე კვირით წავსულიყავი ამერიკის
შეერთებულ შტატებში და გამევლო მაღალი დონის მასტერკლასი ამერიკელ კოლეგებთან, რომელიც დაგვირგვინდა საერთაშორისო დონის სერტიფიკატით, რაც ჩემთვის ძალიან მნიშვნელოვანია.
ორი ოცნება ავისრულე: მომესმინა ასეთი წარმატებული სპიკერებისთვის და მენახა მსოფლიოში ერთ-ერთი ყველაზე ლამაზი და საინტერესო ქალაქი ნიუ-იორკი“, -გვიყვება ქართველი სრომატოლოგი.
წარმატებების მიუხედავად, თამარი ფიქრობს,რომ, საბოლოოდ, ყველა ქართველი სამშობლოში დაბრუნდება. ამბობს, რომ ის ამაში დარწმუნებულია:
,,ქართველ ემიგრანტებს, პირველ რიგში, მინდა ვუსურვო წარმატება და საკუთარი მიზნების განხორცილება.
ვურჩევდი ყველას, რომ გჯეროდეთ საკუთარი შესაძლებლობების; არასდროს დაკარგოთ იმედი იმისა, რომ მიზანდასახულობით და დაუღალავი შრომით, აუცილებლად შეძლებთ ოცნებების რეალიზებას.
ძალიან გამიხარდება, თუ ჩემი ისტორია სხვა ქართველებისთვის მოტივაცია იქნება.
ერთმანეთის გვერდში დგომით და პატივისცემით, აუცილებლად ვიქნებით ძლიერი და წარმატებული დიასპორა ამ უცხო , მაგრამ შესაძლებლობებით სავსე ქვეყანაში…“
ექიმთან ვიზიტისთვის აუცილებელია წინასწარ დარეკოთ და ჩაეწეროთ.
საკონტაქტო:
☎️ 643 772 334 – სტომატოლოგიური კლინიკა
☎️ 631 466 960 – სტომატოლოგიური კლინიკა
ესაუბრა ნატო მეგუთნიშვილი
