მადრიდის საკვირაო სკოლა „აისი“: მადრიდში პირველად ქართული საკვირაო სკოლა „აისი“, გაიხსნა 2011 წლის 4 დეკემბერს. სკოლის დამფუძნებელ-დირექტორი იყო, თამარ მეტრეველი.
2019 წელს თამარი გაემგზავრა ამერიკაში ამიტომ სკოლის დირექტორი ამჟამად მისი ვაჟიშვილი ლაშა ჩადუნელია, თუმცა ქ. თამარი, დისტანციურად მაინც ახერხებს აქტიურად იყოს ჩართული სკოლის საქმიანობაში.
თამარ მეტრეველის ორმაგმა ემიგრაციამ და 2019 წელს მოულოდნელად დაწყებულმა პანდემიამ, გამოიწვია საკვირაო სკოლის მოშლა.
2021 წლის 3 ოქტომბერს სკოლამ განაახლა სასწავლო პროცესი ახალი შემადგენლობით და განახლებული ძალებით შეუდგა საგანმანათლებლო საქმიანობას.
დამფუძნებელი- თამარ მეტრეველი , დირექტორი- ლაშა ჩადუნელი სასწავლო ნაწილი და ასევე უფროსი ასაკის ჯგუფის ხელმძღვანელი – მაკა ფერაძე. ქ. მაკა ასწავლის ქართულ ენას. იგი ინგლისური ენის მასწავლებელი და თარჯიმანია, მომავალში გეგმავს ინგლისური ენის აკადემიის დაფუძნებას ქართულ სკოლასთან ერთად.
საანბანო ჯგუფის ხელმძღვანელი – ლია ცერცვაძე
ამ ეტაპზე ჯგუფში ირიცხება 22 მოსწავლე.
საკვირაო სკოლისთვის ფართი გამოყოფილია, მადრიდის წმინდა გიორგის სახელობის ქართული ეკლესიის შენობაში. მოსწავლეების მიღება მიმდინარეობს უწყვეტად სასწავლო წლის განმავლობაში.
ქართული ენის შესასწავლად სახელმძღვანელოები იგზავნება განათლების სამინისტროს მიერ, რომელ პროგრამასაც მიყვება ყველა საზღვრებს მიღმა არსებული საკვირაო სკოლა.
საგანმანათლებლო საქმიანობასთან ერთად ხდება ბავშვებისთვის ჩვენი კულტურული ღირებულებებისა და ტრადიციების გაცნობა. ტარდება სხვადასხვა საზეიმო ღონისძიებები როგორიცაა საშემოდგომო ზეიმი, ჩურჩხელების ამოვლება, ქართული ლექსების მხატვრული წაკითხვა და ა.შ..
წარმოგიდგენთ სკოლის მასწავლებლებს, რომლებსაც უშუალო შეხება აქვთ აღსაზრდელ მოწაფეებთან:
მაკა ფერაძე: დაბადების ადგილი თბილისი. განათლება: თბილისის 59 საჯარო სკოლა. სკოლის დამთავრების წელსვე ჩაირიცხა ილიას სახელობის უნივერსიტეტში (ილიაუნი). ინგლისური ენისა და ლიტერატურის ფაკულტეტზე. 2004 წლიდან მუშაობდა შპს. ხელოვნების სკოლა-კოლეჯში ინგლისური ენის მასწავლებლად. ვიდრე ემიგრაციაში გადავიდოდა საცხოვრებლად, ასევე მუშაობდა ,,ახალ ქართულ გიმნაზიაში “ სადაც ასწავლიდა ინგლისურ ენას და ლიტერატურას მაღალ კლასებს. აქვს გავლილი ტრენინგები და უამრავი სერთიფიკატი. მუდმივად სიახლის ძიებაში და გადამზადების პროცესშია დღემდე. 2020 წელს უკვე ესპანეთში ჩააბარა ოქსფორდის გამოცდა და აიღო საერთაშორისო სერთიფიკატი. ამჟამად ასწავლის ინგლისურს, როგორც ონლაინ რეჟიმში, ასევე კერძოდ. როგორც პირად საუბარში გაგვიმხილა სულ მალე წარმოგვიდგენს პრეზენტაციაზე მის ახალ სახელმძღვანელოს რომელზეც უახლოეს მომავალში დაასრულებს მუშაობას. ეს სახელმძღვანელო დაეხმარება ადამიანებს ადვილად ისწავლონ ინგლისური ენა. მაკა ფერაძეს ყავს მეუღლე და 2 ვაჟი .
ლია ცერცვაძე: დაბადებულია ქ. თბილისში. განათლება: დაამთავრა 61 საშუალო სკოლა. შემდეგ თბილისის სახელმწიფო უნივერსიტეტი, დასავლეთ ენების და ლიტერატურის ფაკულტეტი ინგლისური ენის განხრით, პერიოდულად მუშაობდა ხელმძღვანელ თანამდებობაზე, ბაგა ბაღის აღმზრდელად და შემდეგ გამგედ, გავლილი აქვს დახელოვნების ინსტიტუტის სკოლამდელი და დაწყებითი სწავლების კურსები.
ფლობს მადრიდის სერვანტესის უნივერსიტეტის A2 დონის დიპლომს ესპანურ ენაში. სამი წლის განმალობაში გახლდათ მადრიდში არსებული სკოლა- ASTI ის პედაგოგი. პარალელურად ეწევა რეპეტიტორულ სამუშაოს-ინგლისურ და ესპანურ ენებში..
საკვირაო სკოლა „აისი“/ საკონტაქტო ნომერი: 632576770 / მისამართი: Calle de Claudio Sanchez Albornoz 4 28024 Madrid Spain
