ამ ღამით, 15 სექტემბრის გამთენიისას, UFC-ის ორი სუპერმსუბუქი წონის მებრძოლის მერაბ დვალიშვილის და შონ ომალის შეხვედრა გაიმართება ლას ვეგასში. ივენთი ესპანეთის დროით 04:00 საათზე (🇬🇪 07:00) დაიწყება.
მებრძოლები, სავარაუდოდ ესპანეთის დროით 06:00-სთვის შეხვდებიან (თუმცა დაზუსტებით, მხოლოდ ივენთის დაწყების დროის თქმა შეგვიძლია).
დვალიშვილი – 17 მოგებით და 4 წაგებით, ხოლო შონ ომალი – 18 მოგებით და 1 წაგებით, აუდიტორიას საინტერესო ორთაბრძოლას შესთავაზებენ. პროფესიონალების შეფასებით ძალიან რთულია წინასწარი პროგნოზის დადება ამ ორთაბრძოლის შედეგებზე, თუმცა ნიშანდობლივია რომ ომალისთვის საჩემპიონო ქამრის შესანარჩუნებლად ეს უკვე მეორე ბრძოლაა.
რაც შეეხება დვალიშვილს, მისმა ამერიკელმა ოპონენტმაც ისაუბრა მასზე და აღნიშნა, რომ მერაბს, ბოლო 10 წაუგებელი სერია აქვს და კარგ ფორმაში იმყოფება
- „მინდა ვთქვა რომ ალჯოს დამარცხება უფრო რთული იქნებოდა, ასე რომ მერაბის, „კარდიოს მეფის“, „ორთაბრძოლის მეფის“ დამარცხება საბოლოოდ გააჩუმებს იმ ხალხის მცირე ნაწილს, ვინც ჯერ კიდევ ამაზე ლაპარაკობს“.- შონ ომალი
UFC-ს ქართველმა ჩემპიონმა (ქვემსუბუქ წონაში), ილია თოფურიამ საკუთარ შეფასებაში მერაბზე ისაუბრა და ხაზი გაუსვა, რომ ქართველ მებრძოლი უდავოდ დაეუფლება ჩემპიონის ქამარს და საქართველოს UFC-ში ორი ჩემპიონი ეყოლება.
მერაბ დვალიშვილის და შონ ომალის ორთაბძოლასთან დაკავშირებით, ესპანეთში მოღვაწე ქართველი მმა-ის მებრძოლებიც გამოვკითხეთ.
- „მერაბს, გამარჯვების დიდი შანსი აქვს. დვალიშვილს უკვე დამარცხებული ჰყავს რამდენიმე ჩემპიონი. მისი კარდიო და ზეწოლა ძალიან დიდია მის ოპონენტებზე. თუ პირველ ორ-რაუნდში არ მიიღო ზუსტი დარტყმები, დვალიშვილის მხარეს გადავა მოგების შანსები. ქართველი მებრძოლის გამარჯვება საქართველოს კიდევ ერთხელ გამოაჩენს რუქაზე და ქართველ სპორტსმენებსაც წარმოგვაჩენს“. – კონსტანტინე მაჩაბელი
- „შონ ომალი ძალიან საშიში მებრძოლია, მას კარიერაში მხოლოდ ერთი წაგება აქვს და ისიც იმიტომ რომ ფეხი გადაუბრუნდა. როდესაც მან საჩემპიონო ქამარი მოიპოვა ჩიტო ვერა (ვისთანაც დამარცხდა), გამოიწვია და რევანში აიღო. მერაბს დამარცხებული ჰყავს ომალის ოპონენტები. ამ ბრძოლას აუცილებლად მოიგებს მერაბი“. – გიორგი თხილაიშვილი
შეგახსენებთ, რომ მერაბ დვალიშვილმა საჩემპიონო ქამარზე შონ ომალი რამდენიმეჯერ გამოიწვია, მაგრამ ომალმა მერაბს ყურადღება მხოლოდ მას შემდეგ მიაქცია, რაც ქართველმა მებრძოლმა კრეატიული, სახუმარო ვიდეოების ჩაწერა დაიწყო ომალის შესახებ.
იმისთვის რომ უყუროთ ქართველი და ამერიკელი მებძოლების ჩხუბს პირდაპირ ეთერში, დააწკაპუნეთ ფოტოზე 👇
